]! زنجيل أشعار .. ]!

زنجيل أشعار

شكثر ناس سألوني من تحب؟
ومابعت سرك لأجلهم من تحب!!
التحبه وصّلله المشاعر من تحب ...

وإشبكه وحيل بأحضانك يلولي !!!
مثل طفل بمهد يرضع يلولي !!!
أنا الليل أناغيله ... يلولي ...

وأضل سهران أكَطرلك مشاعر
وأفيضك حب .. قبلات ومشاعر
ماتعرف شحال كَلبي ؟؟ ومشاعر ؟؟

آنه ميت موت في حبك وجنيت !!
مسودن أمشي بدروبك وجنيت
وتخلخل عكَلي بفراكك وجنيت !!

وإنته بهاي ماتشعر ولا حاس !!!
ولا كلبك جازه ليحبك ولا حس
عساني أغفي بأحضانك ولاحس

وبلوه أبليك لأن إنته العفتني
وتدري بيه شلون من مره عفتني ؟؟
شجاك شبيك يابن آدم عفتني ؟؟

هم مثلي تعب حالك على الراح ؟؟
ودمع عينك يكَطر دم على الراح ؟؟
عفيه عليك مانادم على الراح !!!

لأن الراح كلّه فدا لك !!
وآنه اليوم وكليبي فدا لك
شتريد أطلب دسمعني فدا لك ؟؟

أحبك من تطلب أأمرني وأنفذ ؟؟؟
عساني خادم لكلبك وأنفذ
إعدام أحكمك خمس بوسات وأنفذ

وأشك حلكك إذا بيهن غلط عد ؟؟
وأسطرهن عساني ميت بحبك ولاعد ( ولاعود )
ولا أتيه حساب بوساتي ولاعد

وأشوفك شوك إحساسي عله شفاك
وأضل ألحس عسل شفتك عله شفاك
وإذا نزلن أشواكي عله شفاك

يعني شحال صدرك لو أضوكه ؟؟
وحالف حيل أبوسنّه وأضوكه ...!!!
وأشوفه شلون حارمني .. ماأضوكه ؟؟

حرام عليك لاغيني من وجودي !!
وإنته أصلي وكل كياني وسر وجودي !!!!
آنه ويــاك راح أثبت وجودي !!!!!!!!!!!!!!!!!!!!!!!!

وشوف شلون أثبتلك من تحب !!!!!![u]

عاشت ايدج على هذه الزنجيل الرائع وجميل

تحياتي الج وشكرا

[ندعوك للتسجيل في المنتدى أو التعريف بنفسك لمعاينة هذه الصورة]

كلام جميل وروعة

يسلموووووو

[ندعوك للتسجيل في المنتدى أو التعريف بنفسك لمعاينة هذه الصورة]