زغيره وما تعرف تحب..!

السلام عليكم ورحمة الله وبركاته

تعريف بسيط بالقصيدة

هاي القصيدة كتبها طالب بجامعة بغداد

بعد ان عرف انهو حبيبته تحب الأستاذ

زغيره وما تعرف تحب..!

ولا دغدغ كلبهه الشوك ..

هضيمه بشط هواهه الروح دوم معاكس ويه الروج ..

زغيره و غصتي جبيره ..

يا صاحب ما اظنهه تفل ..ولا ظن يحصد اليشتل ولا ينفع دمع يهمل ...

تصد مره ..واعاتبهه .......

تراضيني وترد تجفل ..

جثيره ايام مرت وانه اظل حاير ..

ولا شوره التدليني ولا شاير ...

واكولن ليش هاي الناس كلهه عزاز واني وحيدهم باير...!!؟؟
شجاني ..

شكنطرت بيهه ..

عواذل وشت عليه مثل ما وشت عليهه ..؟

ولا.. ما مش عواذل ما تحاجيهه

جا شنهي اشسبه اعليهه ؟؟

اسمع قصتي للتالي شحلو يا ناس تاليهه

لكيته الجان واشيهه

ولك يا صاحبي استـادي يحوم ايدور عليهه.......!!!!!!!!!!!!!.
تناغيه ..

ويناغيهه ..

تحاجيه ..

ويحاجيهه ..

ولك يا صاحبي الدنيه دشوف معاكس البيهه

يا ربي شمالك اجفيهه

ولك يا صاحبي اسندني دشوف ايديه بايديهه!!

يكلي صاحبي تهده؟ وهاي الناس شعليهه ..

روحك ليش ماضيهه ..

نارك ليش بيك اتشب ؟؟

زغيره وما تعرف اتحب.......

حسافه ستاذ ..

جنك ما دريت بحسبتي وياهه؟؟؟!!

حسافه استاذ كلبي اللي هواهه شلون ينساهه؟؟

شكول عليك يا استاذ وشريد ادعي؟؟

عسى انك بيش؟..بالنار التشب بكليبي وبضلعي ؟؟!!

بالعبره التسيل عالوجن دمعي ؟؟!!

بالونات..بالضحكات عالمعبر ..

نار وبالكلب تسعر..

عسى انك بيش يا استاذ ويا من كل كلمه بالدفتر تذكرني بهواهه اكثر ..

واذكرنهه احبـــــــــــنهه !

وحك عيناك يا استادي وعلي الشرجي احبنهه..

امشي عليك ابو حزامين لا توصل بعد يمهه..

شتريد اهديك ؟؟شانطيلك ؟؟

الك كلبي ؟؟

وكلبي محمل بهمهه؟

الك روحي ؟؟

وانته الروح ظالمهه؟

تهده والعن الشيطان..واسمع نخوة افادي

لو هاذه الحجيته وياك ما ينحاج يستادي..

خل يشهد علي الهادي

احرم عليك حته طبة النادي

وشحدهه وتكلك طب؟؟؟!!!

زغيره وما تعرف تحب..!

شعر جميل جدا

يسلمو عالموضوع المميز

يســـــــــــــــلمو

على المرور الرائـــــــــــــع

كــــــــــــ جميل ــــــــــــلام

مساهمة مميزة

تحياتي

يســـــــــــــــلمو

على المرور الرائـــــــــــــع

» مو مهم تعرف احبك
» كيف تعرف انك في عام 2011 ؟