مقاطع شعر روعـــــــــــه !

غلطة

نغلط نعم مو مشكلة بس المهم ياصاحبي نتعلم من اغلاطنة
يوجد فرق واضح لأن مابين نفهم عن كبر واخلاقنة من اگماطنة
من الشمس ناخذ درس لكن نحبهة للأسف لو مر علينة اشباطنة




الزعل

مانزعل عليك اگلوبنة اكبار وعنهم نختلف حتى بهوانة
وماعدنة طمع لاغاية وياك عاتبناك من باب الميانة
ولأن بينة طبع مانحچي وجهين تلگة وجوهنة تشبه گفانة




التواضع

عمي التواضع حلو ماكو احلة من عندة
ولاتشيل خشمك عَلي يا صاحبي اتهدة
ربيتك انة بدِي .. معقولة تكبر عَلي
علمني وكتي درس حط طينتة بخدة
عمي التواضع حلو ماكو احلة من عندة




نصيحة

من الباب ادخل مومن الشباچ
اذا تحبهة صدگ اتقدملهة
مثل اختك عرفهة واحد من الناس
ترضاهة علية من يستغلهة




بنات افكار

خاين طلع حتى القلم امنته عود اسراري
ايغار من اكتب الك بس بي چنت ما داري
والورقه هم ويا بعد يا ورقه ليش اتغاري
تالى اعرفت غير القلم لا ورقتي ولا اشعاري
اتغار منك للأسف حتى بنات افكاري !!!




شاعر

اكو شاعر خوش شاعر .. يكتب بدمه القصيدة
واكو شاعر چان شاعر .. وهسه ماعنده جديدة
واكو شاعر والله شاعر .. وللاسف محد يريدة
واكو شاعر عاش شاعر .. و مات شاعر ..ومنذكر اسمه بجريدة؟!





مهنة

مومهنه الشعر فن وصدق واحساس
ولاتذل القوافي الخاطر اجيبوك
وتعال ابشي جديد وعوف من سبقوك
وبأزياء الشعر خل ينعرض ثوبك
باچر من يجي ما يرحم التاريخ
لحّگ صفحه سجل تمسح اذنوبك