ج ــات بين دبي و بــ غ ــداد ؟!
...............................
دبي : بغداد شلونج افتحي الويب كام الكامره اشوفج
بغداد : شوف هاي البطرانه دبي ولج انتي فتحي اني شعندي تشوفيه
دبي : زين صوت خلي اسمع بغداد ياقلعة الاسود ذهب الزمان وعطره
بغداد : هههههههه صدك بطرانه يا اسود صارت بزازين
دبي : اوف شلونج بغداد وشلونها عيون المها بين الرصافه والجسر
بغداد : شلوني قبل شويه صار انفجار طاح جسر على راسي انتي شلونج
دبي : تعبانه كلش تعبانه البنايات العاليه والعمارات صارن هواي بالكاع مالتي
بغداد : لا اني الحمد لله شكو بنايه جاي تتفلش الحمد لله والجثث مو ثكيله
دبي : اوف لعد اني النبوه شكد سياح يجون واجانب هسه اني ناقصه حمل
بغداد : هسه عفيه لا تحسديني اني يوميه تطلع الف لسوريا وعمان خلي اطكطك
حرمل اخاف من الحسد ولو صرت اخاف من الطكه يوميه طاكه سياره
دبي : انتي بغداد الحمد لله عندج نهرين دجله والفرات وترابك كاعك مالكينه كاع ترهم للصلاه تربته
بغداد : اي وعندي نهر ثالث اسمه نهر المجاري الطافحه وغير الناس بالمنطقه الخظراء تنكط هواي خسه
دبي : بغداد ابو نؤاس شنو صارت سالفته وين السياب بس لا سافر من طيحو حظه وبخته
بغداد : لو مكتول لو معتقل لو تلكيه بالسويد طالب لجوء خليها ولج سكته حتى الصبر دفرته
دبي : والعباس والحسين وعلى الكرار وباب الكاظم وين حوبتهم هسه
بغداد : وشيسون وي الي على الفلس يبيع امه واخته وعلى الذبح صار كتابه وملته
دبي : اكولج بغداد دزيلي فايل بالسيند فايل صوره اغنيه
بغداد : شبقه حتى ادزلج فرهود صار وكل الحراميه اهل وجيران حتى النوى من التمر باكوه شايفه هيج بخت صار وياي واني التاريخ كله
دبي : بغداد اني اروح عندي افتتاح مشروع سياحي فخم من ساسه لرجله
بغداد : اني هم اروح اشوف شكد بقه من اهل بغداد بلكت اشوف ضحكه حتى لو جذب هم نعمه..
......................
[ندعوك للتسجيل في المنتدى أو التعريف بنفسك لمعاينة هذه الصورة]مع الاسف العراق ينهدم ومايبنا .. ايمته شنوفج
يابغداد عروسه بعيون كل الناس ..
وترجعين اتنورين الدنيا كــلهاـا ؟[ندعوك للتسجيل في المنتدى أو التعريف بنفسك لمعاينة هذه الصورة]
السبت يوليو 14, 2012 8:10 pm من طرف rami
موضوع: ج ــات بين دبي و بــ غ ــداد ؟! يبــج.ــــي .. 
